陈子聪 & 何超仪已故赌王何鸿燊二房千金何超仪（Josie），与陈子聪喺2003年11月于澳洲注册结婚，婚后恩爱如初。不过喺两年前陈子聪腹部大动脉爆裂致严重内出血，幸好几次大手术及休养后康复。最近佢哋经常与子聪靓仔私人医生兼旗下艺人Iman出席公开场合，噚日（4日）接受访问时更爆出将会赴美做小肠气手术。喺噚日，何超仪孖住老公陈子聪及Iman出席品牌活动，子聪睇落非常精神，状态回勇。喺接受传媒访问时，子聪表示自己有做运动及控制饮食，佢仲话西医冇叫佢戒口，不过中医就有叫佢少啲食某类食物。之后何超仪同Iman提佢要戒口。另外，陈子聪再话自己好锺意食牛扒，不过就唔可以食太多A5同A4，企喺隔篱嘅何超仪即刻话佢食咗。至于零食方面，子聪原本话自己冇食零食嘅习惯，超仪即係话︰「咩话？朱古力唔係零食咩？」陈子聪就解释︰「食黑朱古力ok㗎！去到90—100%，唔係零食，係花嚟㗎。」子聪之后仲被爆成排朱古力拎上房放喺床头，趁住老婆擦牙时偷食，不过佢就辩称只係食少少，唔係成日咁做。陈子聪透露嚟紧会有一细一大手术要做，细嗰个手术将会喺一月前往美国做係小肠气手术，而大手术就係心脏后面嘅主动脉，医生话最好唔做，最紧要係保持心跳正常就得。而佢自己嘅谂法都係唔想做，所以佢就做运动。何超仪IG何超仪IG何超仪IG何超仪IG何超仪IG按此下载全新 APP，睇尽最新娱乐新闻、乐坛消息、名人热话、热门电影、Netflix剧评，新人更可换领限量新人礼，立即下载！其他人也在看
免责声明：本网站部分内容由用户自行上传，若侵犯了您的权益，请联系我们处理，谢谢！联系QQ：
